Bharat Bandh: કાલે ભારત બંધ…!; જાણો શું ખુલ્લું રહેશે, શું બંધ રહેશે?

Bharat Bandh on August 21: સુપ્રીમ કોર્ટે હાલમાં જ SC, ST આરક્ષણ અને CreamyLayer અંગે પોતાનો નિર્ણય સંભળાવ્યો છે. જેનો વિરોધ અનામત બચાવો સંઘર્ષ સમિતિ દ્વારા કરવામાં આવી રહ્યો છે. હવે સમિતિ સહિત અનેક સંગઠનોએ 21મી ઓગસ્ટે ભારત બંધનું એલાન આપ્યું છે. જાહેર પરિવહન અને ખાનગી સંસ્થાઓ 21 ઓગસ્ટે બંધ રહેશે. એમ્બ્યુલન્સ જેવી ઇમરજન્સી સેવાઓ ચાલુ રહેશે. માયાવતીની બહુજન સમાજ પાર્ટીએ પણ બંધને સમર્થન આપ્યું છે. પાર્ટીના મહાસચિવ સતીશ ચંદ્ર મિશ્રાનું નિવેદન સામે આવ્યું છે. જેમણે પોતાના તમામ કાર્યકરોને બંધમાં ભાગ લેવા અને શાંતિ જાળવવાની અપીલ કરી છે. રાજસ્થાનના લગભગ તમામ SC/ST જૂથોએ બંધને સમર્થન આપ્યું છે.

Total Bharat Bandh pic.twitter.com/ORGVd55VUN

— Saree (@Sareewholesale) August 20, 2024

એક અહેવાલ મુજબ, સરકારે તમામ જિલ્લાઓમાં પોલીસ તૈનાત વધારવાના આદેશ જારી કર્યા છે. ભારત બંધની અસર મોટા પ્રમાણમાં રાજસ્થાનમાં જોવા મળી શકે છે. ડીજીપી યુઆર સાહુએ તમામ જિલ્લાના પોલીસ અધિક્ષકોને આદેશ આપ્યો છે કે કોઈપણ સંજોગોમાં કાયદો અને વ્યવસ્થાને અસર થવી જોઈએ નહીં. તેમણે બંધનું એલાન આપનાર સંગઠનોના અધિકારીઓ સાથે બેઠક કરવા જણાવ્યું છે. જેથી સમન્વય સાથે શાંતિ જળવાઈ રહે. સુપ્રીમ કોર્ટની બંધારણીય બેંચે 1 ઓગસ્ટના રોજ અનામતને લઈને મહત્વનો નિર્ણય આપ્યો હતો. જેમાં તમામ રાજ્યોને અનુસૂચિત જાતિ અને અનુસૂચિત જનજાતિ (SC/ST)માં પેટા શ્રેણીઓ બનાવવાની પરવાનગી આપવામાં આવી હતી.

જાણો સુપ્રીમ કોર્ટે શું કહ્યું?
કોર્ટે કહ્યું હતું કે આરક્ષણનો લાભ પહેલા તેમને મળવો જોઈએ જેમને ખરેખર તેની જરૂર છે. જે બાદ આ નિર્ણયનો વિરોધ થઈ રહ્યો છે. અહેવાલો અનુસાર, ભારત બંધનો મુખ્ય ઉદ્દેશ્ય નિર્ણયને પડકારવાનો અને તેને પાછો ખેંચવાની માંગ કરવાનો છે. રાજસ્થાનમાં હિંસા થવાની સંભાવનાને ધ્યાનમાં રાખીને ડીજીપીએ ટોચના અધિકારીઓ સાથે વીડિયો કોન્ફરન્સિંગ (VC) દ્વારા વાત કરી છે. બેઠકમાં જિલ્લા મેજીસ્ટ્રેટ, વરિષ્ઠ અધિકારીઓ, વિભાગીય કમિશનર ઉપસ્થિત રહ્યા હતા. તે જ સમયે, પશ્ચિમ યુપીના ઘણા વિસ્તારોને સંવેદનશીલ તરીકે ચિહ્નિત કરવામાં આવ્યા છે. જેના કારણે પોલીસને હાઈ એલર્ટ પર રાખવામાં આવી છે. સામાન્ય લોકોની સુરક્ષાને લઈને એડવાઈઝરી પણ જારી કરવામાં આવી છે.

ભારત બંધ 2024: શું ખુલ્લું રહેશે?

• ઇમરજન્સી સેવાઓ
  ભારત બંધ દરમિયાન બુધવારે એમ્બ્યુલન્સ, હોસ્પિટલો અને તબીબી સુવિધાઓ જેવી ઇમરજન્સી સેવાઓ સુચારૂ રીતે ચાલુ રહેશે.
• પોલીસ સેવાઓ
  કાયદા અમલીકરણ એજન્સીઓ જાહેર સલામતી (Law enforcement) સુનિશ્ચિત કરવા સક્રિય રહેશે.
• ફાર્મસી
   દેશભરમાં દવાની દુકાનો પણ ખુલ્લી રહેશે.
• આ ઉપરાંત સરકારી કચેરીઓ, બેંકો, શાળાઓ અને કોલેજો પણ રાબેતા મુજબ ખુલ્લી રહેશે અને કામ રાબેતા મુજબ ચાલુ રહેશે.

તમને જણાવી દઈએ કે ભારત બંધ દરમિયાન શું ખુલ્લું રહેશે અને શું બંધ રહેશે તે અંગે હજુ સુધી કોઈ સત્તાવાર માહિતી આપવામાં આવી નથી, પરંતુ ભારત બંધને કારણે જાહેર પરિવહન સેવાઓ પર અસર પડે તેવી શક્યતા છે. આ ઉપરાંત કેટલીક જગ્યાએ ખાનગી ઓફિસો અને બજારો પણ બંધ રહેવાની સંભાવના છે.