અમરેલીઃ આસરાણા ગામે શિક્ષકે વિદ્યાર્થિની પર દુષ્કર્મ આચર્યું

અમરેલીઃ જિલ્લાના આસરાણા ગામેથી શિક્ષણ જગતને શર્મશાર કરતો કિસ્સો સામે આવ્યો છે. જેમાં એક શિક્ષકે વિદ્યાર્થિની પર દુષ્કર્મ આચર્યું છે. વિદ્યાર્થિનીના પરિવારને આ વાતની જાણ થતાં તેમણે શિક્ષક સામે પોલીસ ફરિયાદ નોંધાવી છે.

મળતી માહિતી પ્રમાણે, અમરેલી જિલ્લાના આસરાણા ગામની એક ખાનગી શાળાના શિક્ષકે વિદ્યાર્થિની પર દુષ્કર્મ આચર્યું છે. આ મામલે વિદ્યાર્થિનીના પિતાએ મોહિત જીંજાળા નામના શિક્ષક સામે દુષ્કર્મની ફરિયાદ નોંધાવી છે.

શિક્ષકે સગીર વિદ્યાર્થિનીની મરજી વિરૂદ્ધ 2 વાર દુષ્કર્મ આચર્યું હતું. 21 ફેબ્રુઆરીની રાત્રે સગીરાના ઘરે આવી શિક્ષકે દુષ્કર્મ આચર્યું હતું. ઉલ્લેખનીય છે કે, વિદ્યાર્થિનીના પિતાએ ફરિયાદ નોંધાવતા શિક્ષક ફરાર થઈ ગયો છે. હાલ પોલીસે આ મામલે ગુનો નોંધી આરોપીને પકડવાની કવાયત હાથ ધરી છે.