Kuwait આગ બાદ PM Modiએ સ્થિતિની સમીક્ષા કરી, ભારતીયોની મદદ માટે તાત્કાલિક મંત્રીને મોકલ્યા
Kuwait Fire: વડા પ્રધાન નરેન્દ્ર મોદીએ કુવૈત આગની ઘટના અંગે સમીક્ષા બેઠક યોજી છે અને તાત્કાલિક પગલાં લેતા વિદેશ રાજ્યમંત્રી પ્રધાન કીર્તિ વર્ધન સિંહને કુવૈતની મુલાકાત લેવાનો નિર્દેશ આપ્યો છે. કુવૈતમાં રહેણાંક મકાનમાં આગ લાગવાને કારણે ભારતીયોમાં મોટી સંખ્યામાં મૃત્યુ અને જાનહાનિને ધ્યાનમાં રાખીને, વડા પ્રધાને રાહત કામગીરી પર દેખરેખ રાખવા અને કુવૈત સરકાર સાથે સંકલન કરવા વિદેશ રાજ્ય મંત્રીને મોકલવાનો નિર્દેશ આપ્યો છે.
કુવૈત આગ દુર્ઘટના મુદ્દે PM મોદીએ કરી સમીક્ષા
આગની ઘટના અંગેની PMએ કરી સમીક્ષા
પરિસ્થિતિની સમીક્ષા કરવા માટે યોજી બેઠક@narendramodi #Kuwait #KuwaitFire #breaking #BreakingNews #Death #Indian #NewsCapitalGujarat #JaneCheGujarat pic.twitter.com/hqGRupKBWS
— NewsCapital Gujarat (@NewsCapitalGJ) June 12, 2024
વિદેશ મંત્રાલયના પ્રવક્તા રણધીર જયસ્વાલે ટ્વિટર પર પોતાની પોસ્ટમાં આ માહિતી આપી. તેમણે લખ્યું કે, “વડાપ્રધાન નરેન્દ્ર મોદીના નિર્દેશ મુજબ, વિદેશ રાજ્ય મંત્રી કીર્તિ વર્ધન સિંહ આગની દુર્ઘટનામાં ઘાયલ થયેલા લોકોની સહાય પર દેખરેખ રાખવા માટે અને આ કમનસીબ ઘટનામાં માર્યા ગયેલા લોકોના મૃતદેહોને વહેલા સ્વદેશ પરત લાવવા માટે અમે સ્થાનિક સત્તાવાળાઓ સાથે સંકલન કરવા માટે તરત જ કુવૈત જઈ રહ્યા છીએ.”
Upon reaching back to Delhi after today’s two oath taking ceremonies, chaired a meeting to review the situation in the wake of the fire mishap in Kuwait, where people of Indian origin have been affected.
GoI is doing everything possible to assist those affected by this gruesome… pic.twitter.com/DVmeCcEGZH
— Narendra Modi (@narendramodi) June 12, 2024
નોંધનીય છે કે, દક્ષિણ કુવૈતના અલ-મંગફમાં બુધવારે છ માળની રહેણાંક ઇમારતમાં લાગેલી ભીષણ આગમાં 40 ભારતીય નાગરિકોના મોત થયાની સંભાવના છે, જ્યારે 50થી વધુ લોકો ઘાયલ થયા છે. કુવૈતના અધિકારીઓ રાહત અને બચાવ કામગીરીમાં લાગેલા છે અને મૃતકોની ઓળખ હજુ થઈ નથી. આ ભયાનક દુર્ઘટના બુધવારે સ્થાનિક સમય અનુસાર સવારે 4 વાગ્યાની આસપાસ બની હતી.
વડાપ્રધાન મોદી અને વિદેશ મંત્રી એસ જયશંકરે આ દુર્ઘટના પર ગહન દુ:ખ અને શોક વ્યક્ત કર્યો છે અને કહ્યું છે કે કુવૈતમાં ભારતીય દૂતાવાસ સ્થિતિ પર નજીકથી નજર રાખી રહ્યું છે. કુવૈતમાં ભારતીય રાજદ્વારી મિશનના અધિકારીઓ ત્યાંના વહીવટીતંત્રની સાથે અસરગ્રસ્ત લોકોની મદદ કરવામાં લાગેલા છે.
