ભૂકંપના ઝટકાથી ધ્રુજી ચીન-મ્યાનમારની ધરા, 4.2ની નોંધાઈ તીવ્રતા
Earthquake : વિશ્વના વિવિધ ભાગોમાં મોડી રાત્રે ભૂકંપના આંચકા અનુભવાયા હતા. નેશનલ સિસ્મોલોજીકલ સેન્ટરના જણાવ્યા અનુસાર રવિવારે ચીનના ઝિજાંગમાં ભૂકંપ આવ્યો હતો. રિક્ટર સ્કેલ પર તેની તીવ્રતા 4.2 માપવામાં આવી હતી. આ સિવાય બપોરે 2.15 કલાકે મ્યાનમારમાં પણ ભૂકંપના કારણે ધરતી ધ્રૂજી ઉઠી હતી. મ્યાનમારમાં ભૂકંપની તીવ્રતા પણ રિક્ટર સ્કેલ પર 4.2 નોંધવામાં આવી હતી. હાલમાં જાનહાની કે જાન-માલના નુકસાન અંગે કોઈ માહિતી પ્રાપ્ત થઈ નથી.
નેશનલ સેન્ટર ફોર સિસ્મોલોજી અનુસાર રવિવારે ચીનના ઝિજાંગમાં 4.2ની તીવ્રતાના ભૂકંપના તીવ્ર આંચકા અનુભવાયા હતા. આ ભૂકંપનું કેન્દ્રબિંદુ 30 કિલોમીટરની ઉંડાઈએ હતું.
ચીન જોરદાર ભૂકંપથી હચમચી ગયું
આ પહેલા જાન્યુઆરીમાં ચીનનો દક્ષિણ શિનજિયાંગ પ્રાંત જોરદાર ભૂકંપથી હચમચી ગયો હતો. ભૂકંપની તીવ્રતા રિક્ટર સ્કેલ પર 7.2 માપવામાં આવી હતી. નેશનલ સેન્ટર ફોર સિસ્મોલોજી (NCS) અનુસાર, તેનું કેન્દ્ર ચીનના દક્ષિણ શિનજિયાંગ ક્ષેત્રમાં 80 કિલોમીટરની ઊંડાઈ પર હતું. છ લોકો ઘાયલ થયા છે અને 120 થી વધુ મકાનોને નુકસાન થયું છે. ભૂકંપના કારણે મકાનોને પણ ભારે નુકસાન થયું હતું. જેમાં 47 મકાનો સંપૂર્ણપણે ધરાશાયી થયા હતા. જ્યારે 78 મકાનોને નુકસાન થયું હતું.
An earthquake of magnitude 4.2 on the Richter Scale hit Myanmar at 2:15 am today: National Center for Seismology pic.twitter.com/nzvRKakFOr
— ANI (@ANI) April 28, 2024
100 થી વધુ લોકોના મોત થયા છે
તમને જણાવી દઈએ કે ગયા વર્ષે ડિસેમ્બરમાં પણ ચીનમાં ભૂકંપના જોરદાર આંચકા અનુભવાયા હતા. 18 ડિસેમ્બરે ચીનના ગાંસુ અને કિંઘાઈ પ્રાંતમાં ભૂકંપ આવ્યો હતો, જેની તીવ્રતા 6.2 હતી. આ ભૂકંપમાં 100 થી વધુ લોકોએ જીવ ગુમાવ્યા અને ઘણા લોકો ઘાયલ થયા. તેમજ હજારો મકાનો ધરાશાયી થયા હતા.
