UP વિધાનસભામાં CM યોગી આદિત્યનાથે પ્રિયંકા ગાંધીની બેગ મુદ્દે કર્યા પ્રહાર

UP Assembly Winter Session: ઉત્તર પ્રદેશના મુખ્યમંત્રી યોગી આદિત્યનાથે (Yogi Adityanath) વિધાનસભાના શિયાળુ સત્ર દરમિયાન કોંગ્રેસના નેતા અને વાયનાડના સાંસદ પ્રિયંકા ગાંધી વાડ્રા (Priyanka Gandhi Vadra)ને નિશાન બનાવ્યા હતા. સીએમ યોગીએ કહ્યું કે કોંગ્રેસના નેતા પેલેસ્ટાઈન લખેલી બેગ લઈને જઈ રહ્યા છે. સીએમએ કહ્યું કે ગઈકાલે કોંગ્રેસના એક નેતા પેલેસ્ટાઈનની બેગ લઈને ફરતા હતા અને અમે યુપીના યુવાનોને ઈઝરાયલ મોકલી રહ્યા છીએ.

સીએમએ કહ્યું કે ગઈકાલે કોંગ્રેસના એક નેતા પેલેસ્ટાઈનની થેલી લઈને સંસદમાં ફરતા હતા જ્યારે અમે યુપીના યુવાનોને ઈઝરાયેલ મોકલી રહ્યા છીએ. અત્યાર સુધીમાં, યુપીના 5600 થી વધુ યુવાનો ઇઝરાયલ ગયા છે, જ્યાં તેઓને મફત રહેવાની સુવિધા અને દર મહિને 1.5 લાખ રૂપિયાનો પગાર મળી રહ્યો છે.

સીએમએ કહ્યું કે ઈઝરાયેલના રાજદૂત આવ્યા હતા. તેમણે કહ્યું કે યુપીના યુવાનોનું કૌશલ્ય ઘણું સારું છે. અમે વધુ લોકોને ઈઝરાયેલ લઈ જઈશું. વિપક્ષ દ્વારા ઉઠાવવામાં આવેલો મુદ્દો પાયાવિહોણો હતો. આનું પરિણામ એ આવ્યું કે 12 લાખથી વધુ યુવાનો કુશળ બન્યા.

સોમવારે પ્રિયંકા બેગ લઈને ગઈ હતી
નોંધનીય છે કે, કોંગ્રેસ સાંસદ પ્રિયંકા ગાંધી વાડ્રા સોમવારે પેલેસ્ટાઈન લખેલી બેગ લઈને સંસદ પહોંચ્યા હતા. હવે તેમની આ બેગને લઈને રાજકારણ ગરમાયું છે. એક તરફ ભાજપના નેતાઓએ પ્રિયંકા ગાંધી પર સવાલો ઉઠાવ્યા છે તો બીજી તરફ કોંગ્રેસ સહિત અનેક વિપક્ષી નેતાઓએ તેમનો બચાવ કર્યો છે. ભાજપના રાજ્યસભા સાંસદ દિનેશ શર્માએ કહ્યું કે, ગાંધી પરિવારના ત્રણ સભ્યોની માનસિકતા વિદેશી વિચારસરણી, વિદેશી મોહરુ દર્શાવે છે. કેન્દ્રીય રાજ્ય મંત્રી બનવારી લાલ વર્માએ કહ્યું, પ્રિયંકા ગાંધી પેલેસ્ટાઈનની બેગ લાવ્યા છે, તેમણે ભારતની બેગ લાવવી જોઈએ.