શું નવજોત સિદ્ધુ BJPમાં જોડાશે? પત્ની અને દીકરીની આ નેતા સાથે મુલાકાતથી મળ્યા સંકેત

Punjab: નવજોત સિદ્ધુ બીજેપીમાં સામેલ થવાની અટકળો ચાલી રહી છે. રાજકીય વર્તુળોમાં એવી ચર્ચા છે કે નવજોત સિદ્ધુ ભાજપમાં જોડાશે અને આ અટકળો એટલા માટે લગાવવામાં આવી રહી છે કારણ કે તાજેતરમાં જ તેમની પત્ની નવજોત કૌર સિદ્ધુ અને પુત્રી રાબિયા સિદ્ધુ ભાજપના નેતા તરનજીત સિંહ સંધુને મળ્યા હતા.

આ બેઠક બાદ જ રાજકીય વર્તુળોમાં એવી જોરદાર ચર્ચા ચાલી રહી છે કે સિદ્ધુ દંપતી ભાજપમાં પાછા ફરવાના છે. જ્યારે તેઓ ભાજપ છોડીને કોંગ્રેસમાં જોડાયા હતા. પરંતુ નવજોત સિદ્ધુ લાંબા સમયથી કોંગ્રેસમાં ‘ગુમ’ છે. આ કારણે તેમની રાજકીય કારકિર્દી પર સવાલો ઉઠી રહ્યા હતા. પરંતુ આ દરમિયાન નવી ચર્ચાએ પંજાબના રાજકારણમાં ખળભળાટ મચાવી દીધો છે.

બેઠકનો ફોટો સામે આવ્યો
તમને જણાવી દઈએ કે નવજોત કૌર સિદ્ધુ અને રાબિયા સિદ્ધુની તરણજીત સિંહ સંધુની મુલાકાતની તસવીર સોશિયલ મીડિયા પર વાયરલ થઈ રહી છે. આ ફોટો તરનજીત સિંહ સંધુએ શેર કર્યો હતો અને ફોટોને કૅપ્શન આપ્યું હતું કે મરીન હાઉસમાં ડૉ. નવજોત કૌર સિદ્ધુ અને તેમની પુત્રીને મળ્યા હતા. અમૃતસર સંબંધિત મુદ્દાઓ પર ચર્ચા કરવામાં આવી હતી અને તે ખૂબ જ સુખદ અનુભવ હતો.

આ ફોટો જોઈને એવી અટકળો લગાવવામાં આવી રહી છે કે સિદ્ધુ દંપતી ભાજપમાં જોડાશે. કારણ કે તરનજીત સિંહ સંધુ બીજેપી હાઈકમાન્ડની નજીક છે અને આ મીટિંગથી એવી ચર્ચા થઈ રહી છે કે તરનજીત સિદ્ધુ દંપતીને બીજેપીમાં પરત મેળવી શકે છે. જો કે હાલ રાજકીય વર્તુળોમાં માત્ર ચર્ચા જ છે. પરંતુ આ ફોટો જોઈને અંદાજ લગાવી શકાય છે કે આ બેઠક ખરેખર ખૂબ જ ખુશનુમા વાતાવરણમાં થઈ હતી. હવે આ બેઠકમાં શું ચર્ચા થઈ? આ ત્રણ લોકો જ કહી શકે છે.

આ પણ વાંચો: સ્પેનમાં પૂરથી ભારે તબાહી, ગુસ્સામાં લોકોએ કર્યા સુત્રોચ્ચાર; કિંગ પર ફેંક્યા ઈંડા અને કીચડ