ગોળી વાગ્યા પછી પહેલી વખત ગોવિંદાની હેલ્થ પર પત્નીએ તોડ્યું મૌન, કહ્યું – થોડાક મહિના પછી…

Mumbai: 1 ઓક્ટોબરની સવારે ગોવિંદાને પગના અંગૂઠામાં ગોળી વાગી હતી. ગોવિંદા સાથે આ અકસ્માત ત્યારે થયો જ્યારે તે પોતાની રિવોલ્વર સાફ કરી રહ્યો હતો, ત્યારબાદ તેને હોસ્પિટલમાં દાખલ કરવામાં આવ્યો. અભિનેતાના સ્વાસ્થ્ય વિશે અપડેટ આપતા હોસ્પિટલના ડૉક્ટરે કહ્યું કે હવે ગોવિંદાની તબિયત સારી છે, પરંતુ તેણે 3 થી 4 અઠવાડિયા સુધી બેડ રેસ્ટ પર રહેવું પડશે. આ અકસ્માત બાદ તેનો આખો પરિવાર ભારે આઘાતમાં છે. હવે તેની પત્ની સુનીતા આહુજાએ ગોવિંદાની તબિયત અંગે મૌન તોડ્યું છે.

નજીકના લોકોથી લઈને ચાહકો સુધી બધા ગોવિંદાના સ્વાસ્થ્ય અપડેટની રાહ જોઈ રહ્યા હતા. ત્યારે હવે અભિનેતા ગોવિંદાની પત્ની સુનીતા આહુજાએ કહ્યું છે કે ગોવિંદા ગઈ કાલ કરતા હવે સારા છે. તેમને આજે સામાન્ય વોર્ડમાં શિફ્ટ કરવામાં આવશે અને એક-બે દિવસમાં હોસ્પિટલમાંથી રજા આપવામાં આવશે. એટલું જ નહીં, સુનીતાએ ગોવિંદાના તમામ ચાહકો અને તેમના માટે પ્રાર્થના કરનારા લોકોનો પણ આભાર વ્યક્ત કર્યો.

આ પણ વાંચો: મહાત્મા ગાંધીની પપૌત્રી છે ખૂબ જ ગ્લેમરસ, હોલીવુડમાં મચાવી રહી છે ધૂમ

અકસ્માત સમયે સુનીતા આહુજા ઘરે ન હતી
ગોવિંદાને પગમાં ગોળી વાગી ત્યારે સુનીતા ઘરે હાજર ન હતી. અભિનેતાની પત્ની સુનીતા બાબા ખાટુશ્યામના દર્શને ગઈ હતી. આ સમાચારની જાણ થતાં જ તે તરત જ મુંબઈ પાછી આવી ગઈ હતી. સુનીતા આહુજાએ કહ્યું, ‘સરની તબિયત હવે ઠીક છે. હવે અમે તેને સામાન્ય વોર્ડમાં દાખલ કરીશું. મારી તબિયત ગઈકાલ કરતાં ઘણી સારી છે. મને લાગે છે કે અમે તેને કાલે અથવા બીજા દિવસે રજા આપીશું.

સુનિતા આહુજાએ સૌનો આભાર માન્યો હતો
લોકોનો આભાર વ્યક્ત કરતા સુનીતાએ એમ પણ કહ્યું કે ઘણા મંદિરો અને દરગાહમાં પૂજા થઈ રહી છે, દરેકના આશીર્વાદ છે. થોડા મહિના પછી સર સંપૂર્ણપણે નાચવા લાગશે. ગોવિંદાની પુત્રીએ પણ તેના પિતાની તબિયત વિશે વાત કરી અને કહ્યું કે તેમને ઘૂંટણની નીચે ગોળી વાગી હતી, ત્યારથી તેઓ ICUમાં છે, પરંતુ આજે તેમને જનરલ વોર્ડમાં શિફ્ટ કરવામાં આવશે. આ ઘટના બાદ શત્રુઘ્ન સિન્હા, ડેવિડ ધવન, જેકી ભગનાની સહિત અનેક હસ્તીઓ ગોવિંદાની તબિયત જાણવા હોસ્પિટલ પહોંચી હતી.