ધુમ્મસથી યુપી-બિહાર જનારી ટ્રેનોના બદલાયા રુટ, અનેક ટ્રેનો કરાઈ રદ

Delhi: દેશભરના અનેક રાજ્યોમાં કડકડતી ઠંડીનો કહેર યથાવત છે. ધુમ્મસના કારણે લોકોની મુશ્કેલીમાં વધારો થયો છે. ઘણા રાજ્યોના વિવિધ વિસ્તારોમાં ધુમ્મસની સફેદ ચાદર છવાયેલી છે. ધુમ્મસને કારણે ટ્રેનોની ગતિ પર બ્રેક લાગી હતી. દેશભરમાં ઘણી ટ્રેનો મોડી ચાલી રહી છે. કેટલીક ટ્રેનો રદ કરવામાં આવી છે. બિહાર અને ઉત્તર પ્રદેશમાં ધુમ્મસની અસર જોવા મળી હતી. યુપીમાં પ્રયાગરાજ-વારાણસી જતી ઘણી ટ્રેનોના રૂટ બદલવામાં આવ્યા છે અને ઘણી ટ્રેનો રદ કરવામાં આવી છે.

ધુમ્મસના કારણે ટ્રેનો મોડી પડતાં ઠંડીમાં મુસાફરોની હાલત દયનીય છે. લોકોને કલાકો સુધી ઠંડીમાં બેસીને ટ્રેનની રાહ જોવી પડે છે. તેની અસર યુપી-બિહારના ઘણા રેલવે સ્ટેશનો પર જોવા મળી હતી. ધુમ્મસના કારણે ટ્રેનો મોડી પડી રહી હોવાને કારણે રેલવે સ્ટેશન પર લોકોની ભારે ભીડ જોવા મળી રહી છે.

ઘણી ટ્રેનો 10 કલાક મોડી
છેલ્લા ઘણા દિવસોથી ધુમ્મસના કારણે સામાન્ય જનજીવન ખોરવાઈ ગયું છે. તેની અસર રેલ ટ્રાફિક પર પણ જોવા મળી રહી છે. દેશના ઘણા વ્યસ્ત રેલ્વે સ્ટેશનો પર લોકો મુશ્કેલીનો સામનો કરી રહ્યા છે. ઘણી ટ્રેનો એક-બે દિવસ મોડી ચાલી રહી છે અને ઘણી ટ્રેનો 10-10 કલાક મોડી ચાલી રહી છે.

#WATCH | Delhi: As cold waves grip the national capital, several trains running late at New Delhi railway station due to fog.

(Visuals from New Delhi Railway station) pic.twitter.com/TUfNxW7cUR

— ANI (@ANI) January 7, 2025

રાજધાની-તેજસ પડી ધીમી
પંડિત દીનદયાલ ઉપાધ્યાય જંકશન પર ધુમ્મસ અને ઠંડીના કારણે આ જંકશન પરથી રાજધાની એક્સપ્રેસ, તેજસ એક્સપ્રેસ જેવી સુપરફાસ્ટ ટ્રેનો પણ 9 થી 10 કલાક મોડી દોડી રહી છે. ઘણા રાજ્યોમાં મોટાભાગના રેલવે સ્ટેશનો પર આવી જ સ્થિતિ જોવા મળી રહી છે. રેલવે તરફથી મળેલી માહિતી અનુસાર, ટ્રેન નંબર 07647 સિકંદરાબાદ દાનાપુર સ્પેશિયલ 8 કલાક મોડી ચાલી રહી છે. જ્યારે ટ્રેન નંબર 13005 હાવડા અમૃતસર પંજાબ મેલ એક્સપ્રેસ 2 કલાક મોડી ચાલી રહી છે. ટ્રેન નંબર 12310 નવી દિલ્હી રાજેન્દ્ર નગર તેજસ રાજધાની એક્સપ્રેસ 9 કલાક મોડી ચાલી રહી છે.

આ પણ વાંચો: દિલ્હીમાં આજે થશે ચૂંટણીની તારીખની જાહેરાત, ચૂંટણી પંચ બપોરે 2 વાગે કરશે પ્રેસ કોન્ફરન્સ

આ ટ્રેનોના રૂટ બદલાયા
ટ્રેન નંબર 04217 વારાણસી-લખનૌ સ્પેશિયલ રદ કરવામાં આવી છે. જ્યારે 14214 બહરાઇચ-વારાણસી ઇન્ટરસિટી પણ રદ કરવામાં આવી છે. 14650 સરયુ-યમુના એક્સપ્રેસ, 13307 ગંગા સતલજ એક્સપ્રેસ, 15023 ગોરખપુર-યસવંતપુર એક્સપ્રેસના રૂટ બદલવામાં આવ્યા છે.