PM મોદી-રાહુલ ગાંધી નવા ચૂંટણી કમિશનરની પસંદગી કરશે, 17 ફેબ્રુઆરીએ બેઠક

Chief Election Commissioner: નવા મુખ્ય ચૂંટણી કમિશનર (CEC)ની પસંદગી કરવા માટે કાયદા મંત્રાલય દ્વારા 17 ફેબ્રુઆરી 2025ના રોજ ત્રણ સભ્યોની સમિતિની બેઠક બોલાવવામાં આવી છે. PM નરેન્દ્ર મોદી, કેન્દ્રીય કાયદા મંત્રી અર્જુન મેઘવાલ અને લોકસભામાં વિરોધ પક્ષના નેતા રાહુલ ગાંધી પસંદગી સમિતિની બેઠકમાં હાજરી આપશે. વર્તમાન સીઈસી રાજીવ કુમારનો કાર્યકાળ 18 ફેબ્રુઆરીએ સમાપ્ત થઈ રહ્યો છે.

આ પણ વાંચો: રશિયાએ યુક્રેનના ચેર્નોબિલ પરમાણુ પ્લાન્ટ પર કર્યો હુમલો, ઝેલેન્સ્કીમા દાવાથી મચ્યો ખળભળાટ

રાજીવ કુમારની નિમણૂક 2022માં થઈ હતી
મુખ્ય ચૂંટણી કમિશનર અને અન્ય ચૂંટણી કમિશનરો (નિમણૂક, સેવાની શરતો અને કાર્યકાળ) અધિનિયમ, 2023ની જોગવાઈઓનો ઉપયોગ પ્રથમ વખત CECની નિમણૂક માટે કરવામાં આવી રહ્યો છે. રાજીવ કુમારને મે 2022માં મુખ્ય ચૂંટણી કમિશનર તરીકે નિયુક્ત કરવામાં આવ્યા હતા. તેમના નેતૃત્વ હેઠળ, ચૂંટણી પંચે 2024માં લોકસભાની ચૂંટણી સફળતાપૂર્વક યોજી. આ ઉપરાંત, તેમના નેતૃત્વમાં, એક દાયકાથી વધુ સમય પછી જમ્મુ અને કાશ્મીરમાં વિધાનસભાની ચૂંટણીઓ પણ શાંતિપૂર્ણ રીતે યોજાઈ હતી.

આ પણ વાંચો: IPL 2025 પહેલા ચાહકોને મોટો ઝટકો, મેચ જોવા માટે વધુ પૈસા ખર્ચવા પડશે

રિટાયરમેન્ટ પ્લાન વિશે જણાવ્યું
લોકસભા ચૂંટણી પછી, આ વર્ષે મહારાષ્ટ્ર, હરિયાણા, ઝારખંડ અને દિલ્હીમાં વિધાનસભા ચૂંટણીઓ યોજાઈ હતી. વર્ષ 2023માં, મુખ્ય ચૂંટણી કમિશનર રાજીવ કુમારની દેખરેખ હેઠળ કર્ણાટક, તેલંગાણા, મધ્યપ્રદેશ અને રાજસ્થાનમાં ચૂંટણીઓ યોજાઈ હતી. જાન્યુઆરી 2025માં દિલ્હી ચૂંટણીની તારીખોની જાહેરાત કરતી વખતે, રાજીવ કુમારે તેમની નિવૃત્તિ યોજનાઓ વિશે વાત કરી હતી. તેણે મજાકમાં કહ્યું કે કામના કારણે તે છેલ્લા 13-14 વર્ષથી સમય કાઢી શકતો નથી. હવે નિવૃત્તિ પછી, તે ચાર-પાંચ મહિના માટે હિમાલય જશે અને ત્યાં એકાંતમાં ધ્યાન કરશે.