લેબનોને આપી ઇઝરાયલને ‘નવા યુદ્ધ’ની ધમકી, IDFએ કર્યો દક્ષિણ લેબનોનમાં મોટો હુમલો
Lebanon threatens Israel: ઇઝરાયલ અને હમાસ વચ્ચેના યુદ્ધ વચ્ચે લેબનોને ફરી એકવાર પશ્ચિમ એશિયામાં યુદ્ધની ચિનગારી સળગાવી છે અને ઇઝરાયલને ‘નવા યુદ્ધ’ની ધમકી આપી છે. બીજી બાજુ, ઇઝરાયલી સંરક્ષણ દળો (IDF)એ દક્ષિણ લેબનોનમાં મોટો હુમલો કર્યો છે. અલજઝીરાના અહેવાલ મુજબ, દક્ષિણ લેબનોનમાં ઇઝરાયલી હુમલામાં મોટી સંખ્યામાં લોકો માર્યા ગયા છે. જ્યારે ગાઝામાં 2 દિવસમાં 130 લોકોનાં મોત થયા છે. જ્યારે ગાઝામાં 4 દિવસમાં 500 થી વધુ લોકોના મોત થયા છે. ઇઝરાયલનું કહેવું છે કે તેણે રોકેટ હુમલાના જવાબમાં દક્ષિણ લેબનોન પર ડઝનબંધ હવાઈ હુમલા કર્યા છે.
ઇઝરાયલનો આરોપ છે કે યમનથી તેના શહેરો પર રોકેટ અને મિસાઇલો છોડવામાં આવી રહી છે. આમાંના ઘણા રોકેટ અને મિસાઇલોને IDF દ્વારા તોડી પાડવામાં આવ્યા છે. આમ છતાં યમન તરફથી હુમલા ચાલુ છે. તેનાથી નિરાશ થઈને ઈઝરાયેલની સેનાએ યમન પર ઘણા મહિનાઓ બાદ મોટો હુમલો કર્યો.
ગાઝામાં પણ નવું યુદ્ધ
અહીં ગાઝામાં પણ ઇઝરાયલી સેનાએ એક નવું યુદ્ધ શરૂ કર્યું છે. છેલ્લા ચાર દિવસમાં ઉત્તરી અને દક્ષિણ ગાઝામાં ઈઝરાયેલના હુમલામાં હમાસના લશ્કરી વડા ઓસામા તાબાશ સહિત 500થી વધુ પેલેસ્ટાઈનીઓ માર્યા ગયા છે. આમાં હમાસના ઘણા આતંકવાદીઓ પણ સામેલ છે. ગાઝા સિટી પર રાત્રે થયેલા મોટા હવાઈ હુમલામાં પાંચ બાળકો માર્યા ગયા છે અને ઓછામાં ઓછા આઠ પરિવારના સભ્યો કાટમાળ નીચે ફસાયા છે. હાલ ઇઝરાયલી હુમલાઓ ચાલુ છે.
લેબનોને ઇઝરાયલને નવા યુદ્ધની ચેતવણી આપી
ઇઝરાયલી હવાઈ હુમલા બાદ લેબનોને ‘નવા યુદ્ધ’ની ચેતવણી આપી છે. આ તાજેતરના તણાવ મધ્ય પૂર્વમાં ફરી ઉકળે છે. લેબનોનથી ઉત્તરી ઈઝરાયેલ તરફ રોકેટ છોડવામાં આવ્યા બાદ આ યુદ્ધ શરૂ થયું હતું. એક અહેવાલ મુજબ, ઇઝરાયલે લેબનોનથી સરહદ પારથી થયેલા રોકેટ ફાયરનો જવાબ મોટા પાયે તોપખાના અને હવાઈ હુમલાઓથી આપ્યો હતો, જેનાથી યહૂદી રાજ્ય અને આતંકવાદી સંગઠન હિઝબુલ્લાહ વચ્ચેના નાજુક યુદ્ધવિરામને ખતરો હતો. લેબનોનના પીએમ નવાફ સલામે એક નિવેદનમાં જણાવ્યું હતું કે ઇઝરાયલી હુમલાઓ દેશને “નવા યુદ્ધ” તરફ ધકેલવાનું જોખમ ધરાવે છે. સલામે કહ્યું, “લેબનોન યુદ્ધ અને શાંતિના મુદ્દાઓ પર નિર્ણય લે છે તે બતાવવા માટે તમામ સુરક્ષા અને લશ્કરી પગલાં લેવા જોઈએ.”
ઇઝરાયલ પરના હુમલાની જવાબદારી લેબનોને લીધી ન હતી
લેબનોનથી છોડવામાં આવેલા રોકેટના જવાબમાં, ઇઝરાયલે એક મોટો હુમલો કર્યો જેમાં 130 લોકો માર્યા ગયા, પરંતુ લેબનોન કે અન્ય કોઈ સંગઠને ઈઝરાયલ પરના હુમલાની જવાબદારી લીધી નથી. ઇઝરાયલના સંરક્ષણમંત્રી ઇઝરાયલ કાત્ઝે જણાવ્યું હતું કે લેબનીઝ સરકાર તેના પ્રદેશમાંથી છોડવામાં આવેલા કોઈપણ રોકેટ માટે “જવાબદાર” છે. આ ઘટનાક્રમ એવા સમયે સામે આવ્યો છે જ્યારે ઇઝરાયલ ગાઝામાં આતંકવાદી જૂથ હમાસ સાથે ગોળીબારમાં વ્યસ્ત હતું અને યમનથી હુથીઓ દ્વારા છોડવામાં આવેલી મિસાઇલને પણ અટકાવી હતી. આ આતંકવાદી સંગઠનો ઈરાન સમર્થિત પ્રતિકાર ધરીનો ભાગ છે.
