ફ્રાન્સમાં એક મોટી વિમાન દુર્ઘટના, આકાશમાં અથડાયા બે પ્લેન: Video
France: ફ્રાન્સમાં એક મોટી વિમાન દુર્ઘટના બની છે. મંગળવારે પૂર્વી ફ્રાન્સના હૌટ-માર્નેમાં સેન્ટ-ડિઝિયર નજીક તાલીમ ઉડાન દરમિયાન ફ્રેન્ચ વાયુસેનાના બે આલ્ફા જેટ્સ હવામાં અથડાઈ ગયા. ફ્રેન્ચ વાયુસેનાએ જણાવ્યું હતું કે જેટમાં સવાર બે પાઇલટ અને એક મુસાફર વિમાનમાંથી બહાર નીકળવામાં સફળ રહ્યા હતા અને તેઓ સુરક્ષિત હતા.
ફ્રેન્ચ અધિકારીઓના કેટલાક પોસ્ટ્સ અને પ્રારંભિક નિવેદનો અનુસાર સામેલ વિમાનો એલિટ પેટ્રોઇલ ડી ફ્રાન્સ એરોબેટિક ટીમના આલ્ફા જેટ્સ હતા. આ જેટ વિમાનો અથડામણ સમયે તાલીમ ઉડાન ભરી રહ્યા હતા ત્યારે તેઓ અકસ્માતનો ભોગ બન્યા. જે લોકોએ આ અકસ્માત પોતાની આંખોથી જોયો છે તેઓ ચોંકી ગયા છે, વીડિયો ફૂટેજ જોઈને પણ વિશ્વાસ કરવો મુશ્કેલ છે કે આટલા મોટા અકસ્માત પછી પણ કોઈ જાનહાનિ થઈ નથી. જોકે, વિમાન પડી ગયા પછી તેમાં આગ લાગી ગઈ.
❗️✈️🇫🇷 – Two French Air Force planes collided mid-air earlier today, March 25, 2025, in an incident reported near Saint-Dizier, Haute-Marne, in eastern France.
According to posts on X and initial statements from French authorities, the aircraft involved were Alpha Jets from the… pic.twitter.com/Yf80lmPW8c
— 🔥🗞The Informant (@theinformant_x) March 25, 2025
પ્રત્યક્ષદર્શીઓએ જણાવ્યું હતું કે વિમાન અથડાતાની સાથે જ બે પેરાશૂટ ખુલતા જોવા મળ્યા હતા, જે દર્શાવે છે કે પાઇલટ બહાર નીકળી ગયા હતા, જોકે બચાવ કામગીરી હજુ ચાલુ હોવાથી વધુ વિગતો ઉપલબ્ધ નથી. આ દુર્ઘટનાને કારણે નજીકની એક ફેક્ટરીમાં આગ લાગી ગઈ, જેના કારણે જમીન પર સંભવિત જાનહાનિ અથવા નુકસાનની ચિંતા વધી ગઈ.
આ પણ વાંચો: ‘મુસ્લિમ પરિવારો વચ્ચે હિન્દુ સુરક્ષિત નથી…’, CM યોગીએ આપ્યું નિવેદન
વિમાન અથડામણ સ્થળ પર હાજર લોકોના નિવેદનો અને કેટલાક ફોટોગ્રાફ્સ સ્પષ્ટપણે દર્શાવે છે કે પાયલોટ છેલ્લી ઘડીએ વિમાનમાંથી બહાર નીકળી ગયો હતો. જો પેરાશૂટ ખોલવામાં થોડો પણ વિલંબ થયો હોત તો મોટી દુર્ઘટના સર્જાઈ શકી હોત.
