July 19, 2024

અનિલ અંબાણીની અર્શથી ફર્શ સુધીની સફર, ફરી લાગ્યો ઝટકો

અમદાવાદ: મુકેશ અંબાણીના નાના ભાઈ અનિલ અંબાણી એક સમયે દુનિયાના અમીર વ્યક્તિઓના લિસ્ટમાં હતા, પરંતુ એ બાદ અર્શથી ફર્શ સુધી પહોંચી ગયા. છેલ્લા કેટલાક સમયથી અનિલ અંબાણી ફરી ચર્ચામાં છે. પહેલા તેમની કંપની Reliance Power અને Reliance Infraના શેરમાં તેજી અને હવે સુપ્રીમ કોર્ટમાં દિલ્હી મેટ્રોના પક્ષમાં આપવામાં આવેલા નિર્ણયના ઝટકાને લઈને તેઓ ચર્ચામાં આવ્યા. Supreme Court એ તેમની કંપનીને દિલ્હી મેટ્રો રેલ કોર્પોરેશન દ્વારા દિલ્હી એરપોર્ટ મેટ્રો એક્સપ્રેસ પ્રાઈવેટ લિમિટેડને આપવામાં આવેલી ઓરિજિનલ આર્બિટ્રલ એવોર્ડની રકમ ચૂકવવાનો આદેશ કર્યો છે.

DMRC વિવાદમાં મોટો ફટકો
અનિલ અંબાણીને લાગેલા તાજેતરના આંચકા વિશે વાત કરીએ તો તેમની કંપની ડીએએમઇપીએલ અને ડીએમઆરસી વચ્ચે 2012 થી ચાલી રહેલા વિવાદમાં બુધવારે સુપ્રીમ કોર્ટે તેમને મૂળ ઓર્બિટલની રકમ પરત કરવાનો આદેશ આપ્યો છે. જે અત્યાર સુધી વધીને લગભગ 8000 કરોડ રૂપિયા થઈ ગયો છે. બિઝનેસ ટુડેના અહેવાલ મુજબ, અનિલ અંબાણીએ તેમની કંપનીને દિલ્હી મેટ્રો રેલ કોર્પોરેશન તરફથી મળેલા આ એવોર્ડ માટે અંદાજે 3,300 કરોડ રૂપિયા ચૂકવવા પડશે. ખાસ વાત એ છે કે આ ફટકો તેમને એવા સમયે લાગ્યો છે જ્યારે તેમની કંપનીઓ કેશની સમસ્યાનો સામનો કરી રહી છે.

અનિલ અંબાણીના શેરમાં લોઅર સર્કિટ
ડીએમઆરસી વિવાદમાં આ આંચકાની અસર અનિલ અંબાણીની કંપનીઓના શેર પર તરત જ જોવા મળી હતી. બુધવારે આ સમાચાર આવતા જ છેલ્લા ટ્રેડિંગના દિવસે 9015 કરોડ રૂપિયાની માર્કેટ કેપિટલાઇઝેશન ધરાવતી કંપની રિલાયન્સ ઇન્ફ્રાના શેર 20 ટકા ઘટીને 227.60 રૂપિયા પર આવી ગયા. માત્ર રિલાયન્સ ઈન્ફ્રા જ નહીં પરંતુ તેમની કંપની રિલાયન્સ પાવરના શેર પણ લોઅર સર્કિટનો સામનો કરી રહી છે.

આ પણ વાંચો: એક લૉકેટથી થયો ખુલાસો, જાહન્વી કપૂરે પોતાની રિલેશનશિપ કરી કન્ફર્મ

જોકે, અનિલ અંબાણીની રિલાયન્સ ઇન્ફ્રાસ્ટ્રક્ચર લિમિટેડે સ્ટોક એક્સચેન્જ ફાઇલિંગમાં જણાવ્યું હતું કે સુપ્રીમ કોર્ટના આદેશથી તેના પર કોઈ જવાબદારી લાદવામાં આવી નથી. રિલાયન્સ ઈન્ફ્રાસ્ટ્રક્ચર સ્પષ્ટ કરવા ઈચ્છે છે કે કોર્ટ દ્વારા 10 એપ્રિલ, 2024 ના રોજ પસાર કરવામાં આવેલ આદેશ કંપની પર કોઈ જવાબદારી લાદતો નથી અને કંપનીએ આર્બિટ્રલ એવોર્ડ હેઠળ DMRC/DAMEPL પાસેથી કોઈ નાણાં મેળવ્યા નથી.

અનિલ અંબાણી વિશ્વના છઠ્ઠા સૌથી અમીર હતા
આજે પણ અનિલ અંબાણી દેવાના બોજામાં દબાયેલા છે અને તેમની કંપનીઓ વેચવાના આરે છે, પરંતુ એક સમય એવો હતો જ્યારે તે વિશ્વના સૌથી મોટા અબજોપતિઓ સાથે સ્પર્ધા કરતા હતા. વર્ષ 2008માં અનિલ અંબાણી ટોપ-10 બિલિયોનેર્સની યાદીમાં છઠ્ઠા સ્થાને હતા અને તે સમયે તેમની કુલ સંપત્તિ 42 અબજ ડોલર હતી, પરંતુ વ્યવસાયમાં કેટલીક ભૂલો અને નિષ્ફળતાને કારણે તેના નસીબે એવો વળાંક લીધો કે તેણે પોતાને નાદાર જાહેર કર્યા.

આ ભૂલો અનિલ અંબાણીને ભારે પડી
મુકેશ અંબાણી આજે એશિયાના સૌથી અમીર વ્યક્તિ છે અને તેમની કુલ સંપત્તિ 104 અબજ ડોલર છે. જો આપણે અનિલ અંબાણીની મોટી ભૂલોની વાત કરીએ તો એવા ઘણા કારણો છે જેના કારણે તેમનું આર્થિક સ્વાસ્થ્ય સતત બગડતું જાય છે. જ્યારે તેમને વ્યવસાય મળ્યો, ત્યારે તેમણે યોગ્ય આયોજન વિના ધંધાને આગળ ધપાવવા દોડી ગયા, જે તેને મોંઘુ પડ્યું. તૈયારી વિના એક પછી એક નવા પ્રોજેક્ટ્સમાં પૈસાનું રોકાણ કરતા રહ્યા. જે તેમના માટે ખરાબ સાબિત થયું.

તે સમયે નવા પ્રોજેક્ટ જેમાં તેઓ એનર્જી અને ટેલિકોમ સેક્ટરના બાદશાહ બનવાની હોડ લગાવતા હતા તેની કિંમત અપેક્ષા કરતા વધુ હતી અને વળતર પણ નહિવત હતું. તેના પતનનું આ સૌથી મોટું કારણ હતું. તેણે એક સેક્ટરમાં બિઝનેસ પર ધ્યાન આપ્યું ન હતું અને એક બિઝનેસમાંથી બીજા બિઝનેસમાં કૂદકો મારતા રહ્યા. આ દરમિયાન 2008 માં વૈશ્વિકમાં મંદી આવી. જે બાદ તેઓને ફરીથી ઉભા થવાની તક મળી ન હતી.