એર માર્શલ એપી સિંહ વાયુસેનાના નવા ચીફ, એર ચીફ માર્શલ VR ચૌધરીએ ચાર્જ સોંપ્યો
Air Marshal AP Singh: એર માર્શલ એપી સિંહે ભારતીય વાયુસેનાના નવા વડા તરીકે કમાન સંભાળી છે. તેમને એર ચીફ માર્શલ વીઆર ચૌધરીએ ચાર્જ સોંપ્યો છે. નોંધનીય છે કે, આજે એર ચીફ માર્શલ વીઆર ચૌધરીએ સવારે વાયુ ભવનમાં પરંપરાગત ‘વૉક થ્રૂ’ કરતા પહેલા રાષ્ટ્રીય યુદ્ધ સ્મારક પર મૃત નાયકોને શ્રદ્ધાંજલિ આપી હતી. આ પછી, તેમને વાયુસેનાના વાયુ યોદ્ધાઓ દ્વારા વિદાય સલામી તરીકે ઔપચારિક ગાર્ડ ઓફ ઓનર આપવામાં આવ્યું હતું.
Air Chief Marshal VR Chaudhari handed over command of #IndianAirForce today. On the occasion, he paid homage to the departed brave hearts at the #NationalWarMemorial in the morning before undertaking the traditional 'walk through' at the Vayu Bhawan. He was presented a… pic.twitter.com/FlmA6BIqfj
— Indian Air Force (@IAF_MCC) September 30, 2024
એપી સિંહ પાસે 40 વર્ષનો અનુભવ છે
27 ઓક્ટોબર, 1964ના રોજ જન્મેલા એર માર્શલ એપી સિંહને ડિસેમ્બર 1984માં ભારતીય વાયુસેનાના ફાઈટર પાઈલટ સ્ટ્રીમમાં કમિશન આપવામાં આવ્યું હતું. તેમની લગભગ 40 વર્ષની લાંબી અને વિશિષ્ટ સેવા દરમિયાન, તેમણે અસંખ્ય કમાન્ડ, સ્ટાફ, સૂચનાત્મક અને વિદેશી નિમણૂંકોમાં સેવા આપી છે.
5 હજાર કલાકથી વધુ સમય માટે વિમાન ઉડવાનો અનુભવ
નેશનલ ડિફેન્સ એકેડેમી, ડિફેન્સ સર્વિસીસ સ્ટાફ કૉલેજ અને નેશનલ ડિફેન્સ કૉલેજના ભૂતપૂર્વ વિદ્યાર્થી, એર ઑફિસર ક્વોલિફાઇડ ફ્લાઇંગ ઇન્સ્ટ્રક્ટર અને પ્રાયોગિક ટેસ્ટ પાઇલટ છે, જેમની પાસે વિવિધ ફિક્સ્ડ અને રોટરી વિંગ એરક્રાફ્ટ પર 5,000 કલાકથી વધુ ઉડાનનો અનુભવ છે.
