શું તેમની પર ઈઝરાયલ હુમલો કરશે… ફડણવીસની વધી સુરક્ષા, સંજય રાઉતે ઉઠાવ્યા સવાલ

Maharashtra: મહારાષ્ટ્રમાં વિધાનસભા ચૂંટણી પહેલા રાજ્યના ડેપ્યુટી સીએમ દેવેન્દ્ર ફડણવીસની સુરક્ષા વધારી દેવામાં આવી છે. આ અંગે ઉદ્ધવ ઠાકરે જૂથના શિવસેનાના નેતા સંજય રાઉતે દેવેન્દ્ર ફડણવીસ પર નિશાન સાધ્યું હતું. સંજય રાઉતે કહ્યું, દેવેન્દ્ર ફડણવીસ આ રાજ્યના ગૃહમંત્રી પણ છે અને તેઓ અચાનક પોતાની સુરક્ષા વ્યવસ્થા વધારી રહ્યા છે. ગૃહમંત્રી બીજાને સુરક્ષા આપે છે, પરંતુ આ ગૃહમંત્રી પોતાની સુરક્ષામાં વધારો કરે છે.

સંજય રાઉતે કહ્યું, અમે તેમના ઘરની બહાર ફોર્સ અને કમાન્ડોને ઉભા જોયા. નાગપુરમાં તેમના ઘરની બહાર 200 કમાન્ડો ઉભા છે. તે જ્યાં પણ જઈ રહ્યા છે ત્યાં તેને સંપૂર્ણ રીતે ઘેરી લેવામાં આવ્યા છે. સંજય રાઉતે કહ્યું, તો અમારી ચિંતા એ છે કે શું આપણા રાજ્યના ગૃહમંત્રીના જીવને ખતરો છે?

“ગૃહમંત્રી કેમ આટલા ડરે છે?”
શિવસેના (ઉદ્ધવ જૂથ)ના નેતાએ કહ્યું, આપણે સમજવું જોઈએ કે આપણા ગૃહમંત્રી કેમ આટલા ડરે છે, કોણ તેમના પર હુમલો કરવા માંગે છે. આ કોનું કાવતરું છે? એવો પ્રશ્ન પૂછતાં તેમણે કહ્યું કે, અચાનક એવું શું બન્યું છે કે આપણા ગૃહમંત્રી ફોર્સ વન કમાન્ડોની વચ્ચે કેમ ફરી રહ્યા છે? શું ઈઝરાયલ તેમના પર હુમલો કરશે? લિબિયા પર હુમલો થવાનો છે. યુક્રેનથી લોકો આવી રહ્યા છે. તેમની સાથે યુદ્ધ થવાનું છે. સંજય રાઉતે કહ્યું કે, ભાજપના ડીજી રશ્મિ શુક્લાએ આ જણાવવું જોઈએ.

#WATCH | Mumbai: Shiv Sena (UBT) Sanjay Raut says "The Home Minister of this state, who is a former Chief Minister (Devendra Fadnavis), has suddenly increased his security. The Home Minister gives security to others but he increased his own security. Suddenly we saw Force One… pic.twitter.com/yvDaJwNBIp

— ANI (@ANI) November 3, 2024

દેવેન્દ્ર ફડણવીસની સુરક્ષા વધારી દેવામાં આવી છે
મહારાષ્ટ્ર વિધાનસભા ચૂંટણી પહેલા નાયબ મુખ્યમંત્રી અને ભાજપના નેતા દેવેન્દ્ર ફડણવીસની સુરક્ષા વધારી દેવામાં આવી છે. મહારાષ્ટ્ર પોલીસના સ્પેશિયલ સિક્યુરિટી યુનિટ દ્વારા તેમને ઝેડ પ્લસ કેટેગરી હેઠળ સુરક્ષા પૂરી પાડવામાં આવે છે, પરંતુ હવે ચૂંટણી પહેલા તેમની સુરક્ષામાં અચાનક વધારો કરવામાં આવ્યો છે અને તેમની સુરક્ષા માટે ફોર્સ વનના ભૂતપૂર્વ જવાનોને તૈનાત કરવામાં આવશે. શુક્રવારે મુંબઈ પોલીસના એક વરિષ્ઠ અધિકારીએ દેવેન્દ્ર ફડણવીસની સુરક્ષા વધારવા અંગે માહિતી આપી હતી. તેમણે એ પણ સ્વીકાર્યું કે પોલીસે સંભવિત જોખમને ધ્યાનમાં રાખીને આ નિર્ણય લીધો છે.

આ પણ વાંચો: આખરે CM યોગીને ધમકી આપનાર મહિલાની કરી ધરપકડ, આપી હતી 10 દિવસમાં રાજીનામાની ધમકી

મુંબઈ પોલીસના એક વરિષ્ઠ અધિકારીએ જણાવ્યું કે, નાયબ મુખ્યમંત્રી ફડણવીસની સુરક્ષા માટે તૈનાત કર્મચારીઓમાં ફેરફાર કરવામાં આવ્યા છે. જે કર્મચારીઓ અગાઉ ફોર્સ વન, રાજ્ય પોલીસના ચુનંદા કમાન્ડો યુનિટમાં તૈનાત હતા અને તેમની ફરજ હવે સ્પેશિયલ પ્રોટેક્શન યુનિટ (એસપીયુ) માં છે, તેઓ હવે નાયબ મુખ્યમંત્રીની સુરક્ષા હેઠળ તૈનાત કરવામાં આવ્યા છે.